Home पंढरपूर बुंदी लाडू प्रसाद निविदा प्रक्रिया संशायस्पद ? जिल्हा व सत्र...

बुंदी लाडू प्रसाद निविदा प्रक्रिया संशायस्पद ? जिल्हा व सत्र न्यायालयात तक्रार.

220
0

पंढरपूर:- श्री विठ्ठल रुक्मिणी मंदिरे समितीच्या बुंदी लाडू प्रसाद निविदा प्रक्रियेमध्ये तांत्रिकरित्या पात्र झालेल्या ४ निविदांचा दर गेल्या १ वर्षापासून उघडला नसल्याने याबाबत संशायस्पद परिस्थिती निर्माण झाली आहे. यामुळे ही प्रक्रिया जिल्हाधिकारी व उपजिल्हाधिकारी यांच्यामार्फत करावी असा अर्ज सुर्वणक्रांती महिला उद्योग व रोजगार सेवा सहकारी संस्थेच्यावतीने जिल्हा व सत्र न्यायालयात दाखल करण्यात आली असल्याची माहीती ॲड. दत्तात्रय खडतरे यांनी दिली.

बुंदी लाडू प्रसाद निविदा प्रक्रीया गेल्या १५ महिन्यापासून विठ्ठल रुक्मिणी मंदिरे समितीच्या मार्फत सुरु आहे.

पुरेशी स्पर्धा झालेली असताना किरकोळ करणास्तव शासन परिपत्रके व निर्णय डावलून विनाकारण सर्व निवादा अपात्र करुन फेरनिवादा प्रक्रिया राबवली.

फेरनिविदेमध्ये ९ निविदा प्राप्त झाल्या. त्यापैकी २१ जून २०२१ रोजी नवीन भक्तनिवास पंढरपूर येथे सर्व निविदाधारकांना बोलावून तत्कालीन कार्यकारी अधिकारी यांनी बैठक घेतली होती. त्यामध्ये ४ निवादा पात्र झालेल्या व ५ निविदा अपात्र झाल्याचे सर्व निविदाधारक व मंदिराचे अधिकारी व कर्मचारी यांच्या समोर घोषित केले होते.

त्याचे ऑडीओ व व्हिडीओ उपलब्ध असल्याचे खडतरे यांनी सांगितले आहे.

परंतु काही निविदाधारकांनी कागदपत्रे दाखल करण्यासाठी आणखी मुदत मागितली होती. ही देण्यात आली होती. विधी व न्याय विभागाने तब्बल ६ महिन्यांनी निवीदा प्रक्रिया अटी शर्ती प्रमाणे व मेरीट नुसार राबवावी असे निर्देश दिलेले आहेत. मार्गदर्शन प्राप्त होवून आता ६ महिने झाले आहेत. महाराष्ट्रातील सर्व मंदीरे सुरू होवून ४ ते ५ महिने झाले आहेत. तरीही विठ्ठल रूक्मिणी मंदीर समितीने काहीही निर्णय घेतला नाही. सदर निवीदा प्रक्रियेबाबत आता पर्यंत आम्ही सुमारे ७ ते ८ वेळा पत्रव्यवहार केला आहे.  विविध शासन निर्णय व परिपत्रकांचा चुकीचा व मनाला वाटेल तसा अर्थ लावून नको ती निवीदा अपात्र कशी करता येईल व हव्या त्या निवीदा धारकास पात्र करणेसाठी काय करता येईल याची चाचपाणी गेल्या ६ महिन्यापासून केली जात असल्याचा आरोप खडतरे यांनी केला आहे.

 

कोणतीही निवीदा प्रक्रिया एक ते दोन महिन्यामध्ये पुर्ण होत असते. परंतू सदर निवेदेस तब्बल १५ महिने झालेले आहेत. तरीही निवीदा प्रक्रियेस चालढकल करून मंदीराचे दरमहा सुमारे ४ ते ५ लाखाचे नुकसान होत आहे. व भावीक भक्तांना प्रसादापासून वंचीत ठेवले जात आहे.  
मंदीराचे आर्थिक नुकसानीस जबाबदार असणाऱ्यांना त्यांचे पगारातुन नुकसान भरपाई देणेचा आदेश व्हावा.

  निवेदेस १५ महिने झाले असलेने जर ऑनलाईन तांत्रीक व्हॉलीडीटी संपुष्ठात येवून निविदाचे दर ओपन करणेसाठी तांत्रीक अडचणी निर्माण झाल्यास पात्र निवीधा धारकांचे दर आपण नेमलेल्या नवीन निविदा समितीपुढे बंद लिफाफ्यात सर्वांसमोर सादर करणेबाबत आदेश व्हावेत अशी मागणी खडतरे यांनी केली आहे.